Իտալիայում եւ Վատիկանում գտնվող ՌԴ նախագահ Վլադիմիր Պուտինին անցած չորեքշաբթի օրը Վատիկանի իր նստավայրում ընդունեց Ֆրանցիսկոս Պապը: Պուտինը կաթոլիկների հովվապետի մոտ ձեռնունայն չէր գնացել եւ Պապին է նվիրել Քրիստոս Ամենափրկիչ տաճարի պատկերով պաննո եւ Ուղղափառ հանրագիտարանի…մի քանի հատորը միայն: Պապն իր հերթին Պուտինին նվիրել է մեդալիոն` խաղաղության հրեշտակի պատկերով:
Նշենք նաեւ, որ ՌԴ նախագահը Պապի հետ հանդիպման էր գնացել` 17 րոպե ուշացումով: Ըստ պաշտոնական պարզաբանման (որը հնչել է Կրեմլից) ուշացման պատճառը` ավելի վաղ Պուտինի Միլանում ունեցած հանդիպումների ձգձգումը եւ ճանապարհների խցանումներն են եղել: Չի բացառվում, որ իրականում ուշացման պատճառը եղել է այն, որ Պուտինը կորցրել է Ուղղափառ հանրագիտարանի մյուս հատորները, որոնք, կարծում ենք, ամբողջությամբ էր բերել Պապին, սակայն որոնումներն ապարդյուն են անցել: Մյուս կողմից` հնարավոր է, որ եթե Պուտինը ժամանակին հասներ հանդիպմանը, Պապը ոչ թե նրան խաղաղության հրեշտակի պատկերով մեդալիոն նվիրեր,կամ դրան զուգահեռ փոքր ինչ խոսեր խաղաղության եւ դրա կարեւորության մասին:
