ՀՈՒՆԱՍՏԱՆԻ ՀԵՏ ԲԱՆԱԿՑՈՒԹՅՈՒՆՆԵՐՆ ԸՆԴՀԱՏՎԵՑԻՆ

ԱՆ. Հ.

Հունաստանի ճգնաժամի վերաբերյալ արդեն որերորդ գագաթաժողովն է գումարվում, իսկ առաջընթաց այդպես էլ չի նկատվում, հաղորդում են գերմանական լրատվամիջոցներըՙ հիշատակելով նաեւ հունիսի 10-ի գիշերը Բրյուսելում Մերկելի, Օլանդի եւ Ցիպրասի միջեւ կայացած հանդիպումը: Գերմանական հեռուստատեսության առաջին ալիքիՙ ARD- ի եթերից ԳԴՀ կանցլերը նախազգուշացրեցՙ «Այժմ յուրաքանչյուր օր հաշվված է»: Կանցլերը Հունաստանի կառավարության առջեւ հստակ ու խիստ պահանջ էր դրելՙ միասնական աշխատանք ծավալել Միջազգային արժույթի հիմնադրամի ( ՄԱՀ) հետՙ Հունաստանի ֆինանսական ճգնաժամը հանգուցալուծելու նպատակով: Հունիսի 11-ի երեկոյան ՄԱՀ-ը Բրյուսելում ընդհատեց բանակցությունները Հունաստանի հետՙ համբերության բաժակը լցվել է: Հանդիպման նոր ժամկետ չի նշվում: