ՌՈՄԵՆ ԿՈԶՄՈՅԱՆ
Իր փեսայիՙ Սաուդյան Արաբիայում ավտովթարի զոհ դարձած Եղիա Եահեայանի ողբերգական մահվան կապակցությամբ լիբանանահայ հայտնի մտավորական, ազգային, կրթական եւ մշակութային գործիչ, «Կամար» հանդեսի խմբագիր Ժիրայր Դանիելյանին իրենց ցավակցություններն են հայտնում Աստղիկ Գեւորգյանը, Սամվել Մուրադյանը, Երվանդ Տեր-Խաչատրյանը, Հենրիկ Բախչինյանը, Երվանդ Երկանյանը եւ Հակոբ Ավետիքյանը:
***
Տեր եւ Տիկին Դանիելյաններ,
Տեղյակ էինք, որ դստեր, թոռնիկի, փեսայի մոտ հյուրընկալվող Զվարթը Բոստոնում երջանիկ էր, Ժիրայրըՙ Բեյրութում, գործի վրա… Ու հանկարծ դժբախտ լուր Արեւելքիցՙ չկա երիտասարդ ու առինքնող Եղիան, հայրը, ամուսինը, սիրելի փեսան… Սիրելի Դանիելյաններ, սգում ենք Ձեզ հետ, կիսում Ձեր վիշտը: Կատարվածի դիմաց, բոլորս անկարող ենք: Ձեզ մխիթարում եւ համբերություն ենք մաղթում Եղիայի հիշատակը պահելու համար:
«Մուղնի» հրատարակչության անունիցՙ Ռուզան Պետրոսյան
