Հինգշաբթի օրը ռուսալեզու LIfenews կայքը տարածեց մի լուր, ըստ որի Չինաստանի վարչապետը Twitter-ի իր էջում գրել է, թե Պեկինը պաշտոնապես նախաձեռնել է ՄԱԿ-ում քննարկել ԼՂՀ անկախության ճանաչման հարցը: Այս սենսացիոն լուրը ճշտելու համար մենք կապվեցինք Lifenews-ի խմբագրության հետ, որտեղ գլխավոր խմբագրի տեղակալը հայտնեց, թե ինքը տեղյակ չէ այդ տեղեկությունից եւ անգամ չգիտի, թե նման բան տեղադրվե՞լ է իրենց կայքում, թե ոչ:
Ավելի ուշ պարզ դարձավ, որ հիշյալ կայքը հղում էր արել Չինաստանի վարչապետի Twitter-յան կեղծ էջին, հետեւաբար` Պեկինը նման նախաձեռնությամբ հանդես չի եկել:
Մինչդեռ, այն ընթացքում, երբ մենք փորձում էին կայքից ստանալ տեղեկությունը հաստատող կամ հերքող որեւէ հիմնավորում, Ադրբեջանի ԱԳՆ-ն բացատրություն է պահանջել Չինաստանից, եւ դա արել է պաշտոնապես:
Այսքանից հետո դժվար է ասել, թե ո՞վ ավելի ծիծաղելի վիճակում հայտնվեց, Չինաստանի վարչապե՞տը, ում անունից կեղծ տեղեկություններ են տարածվում, Lifenews-ը՞, ով կեղծ տեղեկություններ է տարածում, թե՞ Ադրբեջանի ԱԳՆ-ն, որը, փաստորեն, «բադիկ» ուտելու հետ սեր ունի: Իմանանք, էլի…
