Գերմանական «Շփիգելը» ապրիլի 16-ին առցանց քվեարկություն է սկսելՙ Հայոց ցեղասպանությունը ճանաչելու վերաբերյալ հանրության կարծիքը ճշտելու առումով։
Անվանե՞լ Ցեղասպանություն
Թուրքիայի կառավարությունը զայրույթով է արձագանքում, երբ արտասահմանում խոսվում է Հայոց ցեղասպանության մասին։ Դաշնային կառաավարությունը, հաշվի առնելով գերմանա-թուրքական հարաբերությունները, խուսափել է հստակ դիրքորոշում հայտնել հիշյալ խնդրի առնչությամբ։ Պիտի փոխի՞ այդ կեցվածքը։
Կառավարությունը չպետք է լռություն պահպանի. ցեղասպանությունը պիտի կոչի ցեղասպանություն։
Ձեռնպահ կեցվածքը ճիշտ է։ Այս վեճը չպետք է վտանգի կարեւորագույն դաշնակից Թուրքիայի հետ հարաբերությունները։
Արդեն 100 տարի է անցել. հիմա ի՞նչ կտա բառերի վերաբերյալ վեճը։
Ինձ համար միեւնույնն է։
Հարցման մասնակիցների թիվը վայրկյան առ վայրկյան փոխվում է։ Սակայն նույն օրվա ժամը 19.00-ի տվյալներով, 12363 մասնակիցների ճնշող մեծամասնությունըՙ 10939 հոգի կամ մասնակիցների 88,48 տոկոսը քվեարկել է առաջինՙ «կառավարությունը չպետք է լռություն պահպանիՙ ցեղասպանությունը պիտի կոչի ցեղասպանություն» կարծիքի օգտին։
