Կյանքի ամբողջ ընթացքում ծառայելով Հայաստանին եւ ամերիկահայ համայնքին` Հրայր Հովնանյանը հեռանում է Ամերիկայի հայկական համագումարի (Համագումար) նախագահի պաշտոնից: Անցած շաբաթ, Ամերիկայի հայկական համագումարի Հոգաբարձուների խորհուրդը, որի կազմում ընդգրկված են Համագումարի 4 նախկին կամավորներ, ընտրեց նոր ղեկավարություն:
Որպես Համագումարի համանախագահներ ընտրվել են Մասաչուսեթսի Խորհրդի անդամ Անտոնի Բարսամյանը եւ Նյու Յորքի Խորհրդի անդամ Վան Գրիգորյանը: Միասին նրանք պետք է վերահսկեն կազմակերպության ամենօրյա գործունեությունը:
Արդեն նախկին նախագահ Հրայր Հովնանյանը, ով ավելի քան 30 տարի որպես Համագումարի նախագահ ծառայել է վերջինիս կազմավորումից ի վեր եւ իր սիրտն ու հոգին նվիրել է Համագումարին, հայտարարեց. «Մեծ պատիվ էր ղեկավարել Համագումարը: Ես գնահատում եմ Խորհրդի յուրաքանչյուր անդամի` իրենց նվիրվածության եւ հանձնառության համար, եւ հաջողություն մաղթում Վանին ու Անտոնիին»: Մայիսի 1-ից Հովնանյանը կմնա Համագումարում որպես պատվավոր նախագահ: Այս մասին տեղեկացնում է Ամերիկայի հայկական համագումարից ստացված հաղորդագրությունը:
