UPI միջազգային լրատվական գործակալության փոխանցմամբ «Reality TV-ի» հանրաճանաչ աստղեր Քիմ, Կլոե եւ Կորտնի Քարդաշյանները ծրագրում են ապրիլի 24-ի առիթով այցելել իրենց նախնյաց հայրենիքը: Քիմ Քարդաշյանի ամուսինըՙ ռեփիստ Կանյե Ուեսթը հավանաբար միանա խմբին, եթե իր համերգային ժամանակացույցը թույլատրի: Բայց Կորտնին իր հետ բերելու է իր երեք զավակներինՙ Մեյսոնին, Պենելոպին եւ Ռեյնին:
«Հայաստան այցելությունը միշտ էլ եղել է նրանց մտքերում: Նրանք շատ ոգեւորված են եւ ցանկանում են ինչքան հնարավոր է շատ բան իմանալ իրենց անցյալի ժառանգության մասին», «E! News» լրատվական ծառայությանը հայտնել է ընտանիքի անդամներից մեկը:
Իսկ UPI-ի տեղեկատվության հատկանշական մասն այն է, որ նշում է, որ Քարդաշյանների նախնիները եղել են Հայոց ցեղասպանությունից վերապրողներ:
