ՊԵՏԴՈՒՄԱՆ ԿՀԱՅՏԱՐԱՐԻ ԳՖՀ-Ի ԿՈՂՄԻՑ ԳԴՀ-Ի ԲՌՆԱԿՑՄԱՆ ՄԱՍԻՆ
Պետդումայի միջազգային գործերի կոմիտեին հանձնարարված է քննել այնպիսի հայտարարության ընդունման հնարավորությունը, որը կդատապարտեր «1989 թ. Գերմանիայի Ֆեդերատիվ Հանրապետության կողմից ԳԴՀ-ի բռնակցումը»:
Նման նախաձեռնությամբ հունվարի 28-ին հանդես է եկել ՌԴ Կոմկուսի պատգամավոր Նիկոլայ Իվանովը: Նա հիշեցրել է, որ ԵԽԽՎ նախագահ Անն Բրասսերը օրերս Ռուսաստանին ամբաստանել էր Ղրիմի բռնակցման մեջ:
Նա առաջարկել է որպես պատասխան քայլ Պետդումայի հիշյալ կոմիտեին հանձնարարել նախապատրաստել ԳՖՀ-ի կողմից ԳԴՀ-ի բռնակցումը դատապարտող հայտարարություն: Մանավանդ որ, ի տարբերություն Ղրիմի, ԳԴՀ-ում համաժողովրդական հանրաքվե չի անցկացվել:
Պետդումայի նախագահ Սերգեյ Նարիշկինը համապատասխան կոմիտեին հանձնարարել է քննության առնել այդ առաջարկությունը, նշում է ՏԱՍՍ գործակալությունը:
