Ըստ «Ակօս» թերթի (Ստամբուլ), լրագրող Մուրատ Բարդակչին վերջերս հայտարարել է, որ թուրքական պատմության ընկերությունից (TTK) մի պաշտոնյա հայերի տեղահանության հետ կապված պաշտոնական դիվանագիտական ճեպագրերը օսմանյան արխիվներից տեղափոխել է մի այլ կառույցի արխիվը: Դա արվել է, Բարդակչիի համոզմամբ, անձնական նախաձեռնությամբ եւ ներկայիս TTK-ի ղեկավարությունը տեղեկություն չունի, թե որտեղ կարող է լինեն այդ փաստաթղթերը:
Մուրատ Բարդակչին հեղինակել է «Թալաթ փաշայի լքված փաստաթղթերը» («Talat Pasanin Evraki Metrukesi») եւ «Իթթիհատականների սնդուկը» («Ittihatcinin sandigi») գրքերը, որոնցում շոշափվում է հայկական հարցը: Նրա կարծիքով տեղահանության ժամանակ լքված կացարանների եւ ունեցվածքի ցուցակները նույնպես գտնվում են այդ ճեպագրերի թղթապանակներում:
Դրանք կարեւոր են, որովհետեւ այնտեղ գրանցված են թվեր (քանի՞ հոգի), մարդկանց եւ շրջանների անուններ, որտեղից կատարվել են տեղահանությունները: Նաեւ կառույցների եւ մարդկանց անուններ, որոնց փոխանցվել են հայերի ունեցվածքը: Այդ փաստաթղթերը Սատմբուլում կայացած զինվորական տրիպունալի ժամանակ պահանջվել են, բայց այդպես էլ չեն ներկայացվել:
Պատմաբան Թաներ Աքչամը մեծապես կարեւորել է Բարդակչիի հայտնագործությունը:
