«Յու Էս Էյ թուդեյ» թերթի վաշինգտոնյան գրասենյակի ղեկավար Սյուզան Փեյջը Սպիտակ տան լրագրողների ընկերակցության սեմինարում ելույթ ունենալով հայտարարել է, որ ԱՄՆ ներկայիս կառավարությունը մամուլի համար «Ամենից խիստն ու վտանգավորն է» երկրում լրագրության ամբողջ պատմության մեջ: Այդ մասին հաղորդում է «Վաշինգտոն փոստ» թերթը:
Որպես ապացույց, Փեյջը հիշեցրել է ԶԼՄ-ների ներկայացուցիչների նկատմամբ Օբամայի վարչակազմի լրտեսությանը վերաբերող տեղեկությունների արտահոսքը:
Փեյջին պաշտպանել են մի շարք ուրիշ հրատարակությունների աշխատակիցներ, մասնավորապեսՙ «Նյու Յորք թայմսի» նախկին թողարկիչ խմբագիր Ջիլ Աբրամսոնը, որն ասել է. «Սա ամենից ծածկամիտ Սպիտակ տունն է իմ բոլոր տեսածների մեջ»: Նույն թերթի թղթակից Ջեյմս Ռայզենը իր հերթին պնդել է, որ «Օբաման ատում է լրագրողներին»:
