ԱՀԱԲԵԿՉՈՒԹՅՈՒՆ ԿԱՆԱԴԱՅԻ ԽՈՐՀՐԴԱՐԱՆՈՒՄ

Կանադայի խորհրդարանում մեկ օր առաջ կրակոցներ են հնչել, սպանվել է նախ խորհրդարանի անվտանգության աշխատակիցը, հետո զինված անձը ներխուժել է խորհրդարան եւ այնտեղ կրակ բացել: Այդ պահին խորհրդարանում է եղել նաեւ երկրի վարչապետը, որին եւ պատգամավորներին ոստիկանության միջոցով փոխադրել են անվտանգ վայր: Մայրաքաղաք Օտտավայի այլ վայրերում եւս կրակոցներ են հնչել, հաղորդվում է երկու զոհի եւ մի քանի վիրավորի մասին: Երեկ այս իրադեպին արձագանքել է Հայաստանի ԱԳՆ մամլո խոսնակ Տիգրան Բալայանը, ով դատապարտել է Օտտավայում տեղի ունեցած ահաբեկչական գործողությունները, որոնց թիրախը երկրի խորհրդարանն է եղել. «Համոզված ենք, որ նման գործողությունները ի զորու չեն սասանելու միջազգային հանրության վճռականությունն ահաբեկչության դեմ պայքարում», նշել է Տ. Բալայանը: