Գալուստ Գյուլբենկյան հիմնադրամի հայկական համայնքների բաժինը տեղեկացնում է, որ Անի Կարմիրյանը նշանակվել է ծրագրավորման ավագ պատասխանատու: Նա սեպտեմբերի 1-ից կրթական ասպարեզում իր հարուստ փորձառությունն է ներդնելու հիմնադրամի առաջնահերթ խնդիրներիցՙ արեւմտահայերենի պահպանման գործին:
Կարմիրյանը ծնվել ու մեծացել է Ստամբուլում: Ապրել է Իտալիայում, Գերմանիայում, Անգլիայում, Ֆրանսիայում եւ Մ. Նահանգներում: Լեզվաբանության եւ մանկավարժության գծով մագիստրոսի կոչում է ստացել Հայդելբերգ համալսարանից, իսկ ավելի ուշ կրթական ոլորտում առաջատար դաստիարակի կոչումՙ Նյու Յորքի հեղինակավոր «Բենք սթրիթ քոլեջից»: Հիմնադիրն է Փարիզում «Մկնիկ» երկլեզվյան (հայերեն-ֆրանսերեն) կրթական աշխատանքային ծրագրի: Դասավանդել է երկրորդ (օտար) լեզվի ձեռք բերման մեթոդաբանություն Փարիզ III համալսարանում: 2000 թվականից Նյու Ջերսիի Հովնանյան վարժարանի տնօրենն է: Երկլեզվյա կրթության վերաբերյալ ունի հրատարակված բազմաթիվ հոդվածներ:
