Գերմանացի ճանաչված լրագրող, վերլուծաբան Գերմանաարաբական ընկերակցության նախագահ Փեթեր Շոլ Լաթուրի առաջնորդությամբ խնդրագիր է ուղարկվել ՄԱԿ-ի Անվտանգության Խորհրդինՙ վերոնշյալ վերնագրով։
2011-ից ինքնավերիչ պատերազմական իրավիճակում գտնվող Սիրիայում արդեն 150 000 քաղաքացիական զոհ կա, երկրի մեծ մասն ավեր է, տնտեսությունը չորս տասնամյակով նահանջ է գրանցել, ժամանակավոր կեցավայրում ապաստանած 8 միլիոն փախստական գոյատեւում էՙ առանց որեւէ հույսի, երեխաներնՙ առանց դպրոց հաճախելու։ Դրկից երկրներումՙ Լիբանանում, Հորդանանում, Թուրքիայում, Իրաքում միլիոնավոր մարդիկ ապաստան են գտել ժամանակավոր պարզունակ կացարաններում։ Լիբանանին սպառնում է կաթվածահար լինել, առանց դրսի օգնության պետությունը ֆիզիկապես կխեղդվի, հաղորդում է էլեկտրոնային փոստով մեզ առաքված գրությունըՙ պահանջելով Գերմանիայից, ԵՄ-ից, ԱՊՀ-ից, ՄԱԿ- ի ԱԽ անդամ երկրներից անհապաղ միջազգային օդային կամուրջ տրամադրել, վրաններ, շինանյութ, դեղորայք, սննդամթերք առաքել թուրք-սիրիական սահման, Լիբանան, Հորդանան։
Խնդրագրի տակ ստորագրել են Գերմանիայում հայտնի քաղաքական գործիչներ, հասարակական կազմակերպությունների ներկայացուցիչներ, ճանաչված լրագրողներՙ ակնկալելով, թե գրության տակ իրենց ստորագրությունը դեռ բազմապատկելու են գթասիրտ անհատներ։
