Չորեքշաբթի օրը, ապրիլի 16-ին, Խաչատուր Աբովյանի անվան հայկական պետական մանակավարժական համալսարանի եւ Արցախի պետական համալսարանի միջեւ համագործակցության պայմանագրի կնքվեց: «Արցախն ինտեգրվելու խնդիր ունի եւ այս համագործակցությունը եւս կնպաստի այդ գործընթացին: Պայմանագիրը իսկապես կտա իր լուրջ ձեռքբերումներն ու արդյունքները, որը կզգա յուրաքանչյուր արցախցի եւ առաջին հերթին Արցախի երիտասարդությունը»,- ասաց Արցախի պետական համալսարանի ռեկտոր Մանուշ Մինասյանը :
Արցախի պետական համալսարանի ռեկտորը ընդգծեց նաեւ, որ երկու համալսարանների միջեւ համագործակցությունը տարիների պատմություն ունի, սակայն ժամանակի փոփոխությունների առումով կրթական համակարգը չի կարող հետ մնալ, եւ ժամանակի մարտահրավերներին դիմակայելու համար համագործակցության նոր ձեւեր են անհրաժեշտ:
Մանկավարժական համալսարանի ռեկտոր Ռուբեն Միրզախանյանը նշեց, որ այս պայամանգիրն առավել լայն համագործակցության հնարավորություն է ընձեռում բուհերին, եւ ուրախությամբ արձանագրեց, որ այս տարի նախատեսվող ուսանողական միջազգային համատեղ ճամբարում կընդգրկեն նաեւ Արցախի պետական համալսարանի ուսանողները:
Պայմանագրով նախատեսված է երկու համալսարանների համագործակցություն կրթադաստիարակչական, գիտահետազոտական եւ ուսումնամեթոդական գործունեության ոլորտներումՙ համատեղ փոխշահավետ ծրագրերի մշակման եւ իրականացման, պրոֆեսորադասախոսական անձնակազմի եւ ուսանողների ակադեմիական փոխանակման, համատեղ հայտարարությունների եւ փաստաթղթերի ստորագրման, տեղեկատվական, մարզամշակութային եւ այլ հարցերում:
