Արաբական Միացյալ Էմիրությունների շախմատի մրցաշարում 6-րդ տուրից հետո հայ շախմատիստներից լավագույն արդյունքն ունի Լեւոն Բաբուջյանը, որը վաստակել է 4,5 միավոր: Նա հաղթեց Սինիցա Դրազիչին: 4 միավոր ունի Արման Փաշիկյանը, որը հաշտություն կնքեց Շարդուլ Գագարեի հետ: Ռոբերտ Հովհաննիսյանը, Տիգրան Ս. Պետրոսյանն ու Հովիկ Հայրապետյանը վաստակել են 3,5-ական միավոր: 2,5 միավոր ունի Մարկ Բասենչյանը:
Առաջատարը վրացի գրոսմայստեր Բաադուր Ջոբավան է, որը հաղթելով Միխայլո Օլեքսիենկոյին, վաստակել է 5,5 միավոր: 5 միավորով նրանց հետապնդում է ուկրաինացի Անդրեյ Վովկը:
