Լեւոն Արոնյանն անհաջող հանդես եկավ Չինաստանի մայրաքաղաք Պեկինում անցկացված արագ շախմատի մրցաշարում: Հայ շախմատիստը 7 հնարավորից վաստակած 2,5 միավորով 16 մասնակիցների մեջ զբաղեցրեց 14-րդ տեղը: Ավարտական 3 տուրերում Արոնյանն ընդամենը կես միավոր վաստակեցՙ 7-րդ տուրում ոչ-ոքի խաղալով Թեյմուր Ռաջաբովի հետ: Իսկ 5-րդ եւ 6-րդ տուրերում Լեւոնը պարտվեց Շահրիյար Մամեդյարովին եւ Պերես Լեյնիեր Դոմինգուեսին:
Մրցաշարի հաղթող ճանաչվեց չինացի Վան Յուեն, որը վաստակեց 5 միավոր: Նա լրացուցիչ գործակիցներով գերազանցեց նույնպիսի արդյունքի հասած Պետեր Լեկոյին: 4,5-ական միավորով հաջորդ տեղերը զբաղեցրին Ալեքսանդր Գրիշչուկն ու Պերես Լեյնիեր Դոմինգուեսը:
Այժմ շախմատիստները ուժերը կչափեն կայծակնային մրցաշարումՙ անցկացնելով 30 պարտիա: Մրցակիցները միմյանց հետ կհանդիպեն 2 անգամՙ խաղալով սեւ եւ սպիտակ խաղաքարերով:
