Ֆուտբոլի Հայաստանի առաջնության առաջատար Երեւանի «Արարատը» սկսել է պայմանագրերի վերանայման գործընթացը: Երկկողմ համաձայնությամբ խզվել են պայմանագրերն Անդրանիկ Սարգսյանի, Գեւորգ Օհանյանի, դարպասապահ Արսեն Պետրոսյանի եւ պաշտպան Հովհաննես Գրիգորյանի հետ: Իսկ ահա կիսապաշտպան Տիգրան Ոսկանյանի հետ պայմանագրի ժամկետը երկարաձգվել է մինչեւ հաջորդ տարվա մայիս:
Թիմի ղեկավարությունը մտադիր է զգալիորեն ուժեղացնել «Արարատի» կազմը ինչպես տեղացի, այնպես էլ օտարերկրացի ֆուտբոլիստներով, որպեսզի առաջնությունն ավարտեն 1-ին հորիզոնականում: Հիշեցնենք, որ 14 տուրից հետո «Արարատը» 30 միավորով վստահորեն գլխավորում է աղյուսակըՙ 8 միավորով գերազանցելով 2-րդ տեղում ընթացող «Շիրակին»:
