Նոյեմբերի վերջին շաբաթվա ընթացքում Թուրքիայում հեռուստատեսային լսարանի ուշադրությունը սեւեռվել է Սորչ Շեքերի վրա, որը «Թուրքիայի Ձայնը» երաժշտական մրցույթին մասնակցելով հայտարարել է, որ հայկական ծագում ունի, տեղեկացնում է «Արմինյն Միրոր-Սփեքթեյթր» շաբաթաթերթը:
«Սթար Թիվի» հեռուստակայանի անցկացրած մրցույթի ժամանակ 32-ամյա Շեքերը նշել է, որ Ստամբուլում է ծնվել եւ հաճախել հայկական Դադյան վարժարանը: Հոր անունը Խաչիկ է, ծնվել է Սիվասում, իսկ մոր անունըՙ Գյուլենիա, ծնվել է Թուրքիայում: Նա ավելացրել է, որ կինը նույնպես հայ է, եւ ծնողները հաճախել եւ ավարտել են հայկական վարժարաններ, ունեն շատ հայ ընկերներ:
