Երեւան քաղաքի Փ. Բուզանդի փ. 13-21 հասցեներում ձախողված կառուցապատման ծրագրից տուժած անձանց գույքային կորուստները վերականգնելու նպատակով կառավարությունը երեկ հավանություն տվեց առաջարկված ծրագրին, որի կատարման դեպքում կլուծվի մի կողմից` նշված հասցեների շինարարության ավարտման հարցը, մյուս կողմիցՙ «Վիսկոն» ՍՊԸ-ի գործունեությունից տուժած մոտ 110 անձանց բավարարում տրամադրելու խնդիրը:
Կառավարությունը երեկ Երեւան քաղաքի Պ. Պռոշյան եւ Դ. Դեմիրճյան փողոցների ու Սիրահարների զբոսայգու հարակից տարածքի նկատմամբ բացառիկ` գերակա հանրային շահ ճանաչելու որոշում ընդունեց, որի մանրամասներին մենք արդեն անդրադարձել ենք երեկվա համարում:
