10 ՏԱՐԻ ԱՆՑ` ԲԱՑԱՌԻԿ ՀԱՆՐԱՅԻՆ ԳԵՐԱԿԱ ՇԱՀ ԿՈԶԵՌՆ ԹԱՂԱՄԱՍՈՒՄ
Կառավարությունն այսօրվա որոշմամբ Երեւան քաղաքի Պռոշյան եւ Դեմիրճյան փողոցներին եւ Սիրահարների զբոսայգուն հարող Կոզեռն կոչվող տարածքի նկատմամբ բացառիկ գերակա շահ ճանաչելու որոշում կընդունի:
Համաձայն Երեւանի քաղաքապետարանի ներկայացրած հիմնավորմանՙ այդ տարածքում քաղաքաշինական ծրագրի իրականացմամբ Երեւանի կենտրոնից կվերանա ներկայումս առկա խառը, անկանոն կառուցապատումը` տարերայնորեն տեղակայված ոչ սեյսմակայուն, հին եւ խարխուլ շինություններով, որի փոխարեն նախատեuվում է բազմաֆունկցիոնալ կառուցապատում: Որոշ հատվածներում, կառուցապատման ծրագրերի շրջանակներում, uտեղծվելու են uտորգետնյա ավտոկայանատեղեր, կանաչապատ տարածքներ, խաղահրապարակներ, ինչպեu նաեւ հիմնովին նորացվելու են ինժեներատեխնիկական ենթակառուցվածքները: Նախատեսվում է, որ առկա բնակարանային ֆոնդին մի քանի անգամ գերազանցող նոր բնակարանային ֆոնդ կկառուցվի, իսկ կառուցվող ստորգետնյա ավտոկայանատեղերը հնարավորություն կընձեռեն նվազեցնելու Երեւան քաղաքի կենտրոնի փողոցների ծանրաբեռնվածությունը:
Որոշման նախագծով այդ տարածքի ձեռք բերող է «Լոկալ Դիվելոփըրզ» ընկերությունը, որը նախկինում եւս ճանաչվել է ձեռք բերող, բայց չի իրականացրել իրացման եւ կառուցապատման աշխատանքներ: Այս անգամ uեփականության oտարման գործընթացն uկuելու վերջնական ժամկետը 2015 թվականի հունվարի 1-ն է:
Բացառիկ հանրային գերակա շահ ճանաչված տարածն ընդգրկում է հետեւյալ հասցեները` Պռոշյանի 1-ին փակուղի, տուն 1, 1/3, 2, 3, 3/4, 3/8, 3/9, 3/10, 7, 9, 9/1, 14, 14/3, 19, 20, 20/3, 36, 40, 54, 54/2, 58, 58/5, 60, 62/3, 70, 70/2, 72, 74, Պռոշյանի 1-ին նրբանցք, տուն 2, 3, 3/5, 3/14, 7, 11/6, 14, 14/2, 14/5, 19, 19/2, 20, 21, 24, 24/1, 26/1, 28/1, 30/1, 30/2, 36, 36ա, 39/3, 39/4, 39/7, 42, 42/1, 42/2, 44, 48, 52, 52/1, 54, 56, 58, 58/1, 58/2, 58/3, 58/5, 60, 60/3, 62, 62/1, 62/2, 62/3, 62/4, 70, 70/2, 70/3, 70/4, 72, 74, 74/3, Պռոշյան փողոցի թիվ 3/1, 3/2, 3/4, 5, 5/1, 5ա, 5/4, 9, 9բ, 9/1, 9/4, 11, 11 եւ 11ա, 11/6, 35, 35/1, 35/2, 37, 39, 39/1, 41, 45, 47, 62, 125, Դեմիրճյանի 40/9/:
Հիշեցնենք, որ Կոզեռն կոչվող թաղամասում բացառիկ գերակա հանրային շահ առաջին անգամ ճանաչվել է դեռեւս 10 տարի առաջ` 2003-ին: Մինչեւ 2007-ը, սակայն, կառուցապատող ընկերության մրցույթ չէր անցկացվել: 2007-ին տարածքի ձեռք բերող դարձավ «Լոկալ Դիվելոփըրզ» ընկերությունը, բայց օբյեկտիվ (2008-ի ներքաղաքական լարվածություն, համաշխարհային ֆինանսատնտեսական ճգնաժամ) եւ սուբյեկտիվ պատճառներով իրացում տեղի չունեցավ: Այդ տարածքի բնակիչները շուրջ 10 տարի գտնվում էին սպասողական իրավիճակում, մի կողմից սպասելով, թե երբ կսկսվի իրացումը, մյուս կողմից իրացման գոտու օրենքով նախատեսված սահամանափակումների պատճառով չկարողանալով ազատորեն տնօրինել իրենց գույքը:
