Ամերիկացի գիտնականները տիեզերքում գրանցել են այս հարյուրամյակում ամենավառ բռնկումը, որն առաջացել է էլեկտրամագնիսական ճառագայթման աննախադեպ արտանետումից եւ գերզանգվածեղ սեւ անցքի գոյացումից: Ինչպես նոյեմբերի 21-ին կայացած մամուլի ասուլիսում հաղորդել Է NASA-ի աստղաֆիզիկական վարչության պետ Փոլ Հերցը, եզակի իրադարձությունը տեղի Է ունեցել ապրիլի 27-ին Առյուծի կենդանակերպի համաստեղությունում: Դա այնքան նկատելի է եղել, որ կարելի էր Երկրից դիտել նույնիսկ հեռադիտակով, տեղեկացնում է «Արմենպրես»-ըՙ հղում անելով ԻՏԱՌ-ՏԱՍՍ-ին:
«Այս երեւույթը կարելի է տեսնել 100 տարին մեկ կամ երկու անգամ»,- նշել է Հերցը: Նա պարզաբանել Է, որ խոսքը վերաբերում է ուժեղագույն գամա-ցայտմանըՙ վիթխարի քանակությամբ Էներգիայի արտանետմանը գրավիտացիոն կոլապսիՙ «աստղի կործանման» հետեւանքով, որի վրա սպառվել է նյութը ջերմամիջուկային ռեակցիաների համար: Տիեզերական կատակլիզմը տեղի է ունեցել այն գալակտիկայում, որը գտնվում Է մեր մոլորակից 3,8 միլիարդ լուսային տարի հեռավորության վրա:
«Դա դարի բռնկումն էր»,- նշել է Լոս Ալամոսի ազգային լաբորատորիայից աստղաֆիզիկոս Ջեյմս Վրենը:
