Նոյեմբերի 14-ին Գերմանիայում սկսվել է երկրի նախկին նախագահ Քրիստիան Վուլֆի դատավարությունը: Նրան մեղադրում են պաշտոնեական դիրքի չարաշահմամբ 719 եվրո անձնական օգուտ ստանալու մեջ: Խոսքը 2008-ին «Օկտոբերֆեստ» փառատոն մեկնելու մասին է. այն ժամանակ Վուլֆը Ստորին Սաքսոնիայի ղեկավարն էր:
Քննիչների տվյալներով, Վուլֆի կինոպրոդյուսեր ընկերը վճարել է հյուրանոցում նրա կեցության եւ համատեղ ընթրիքի դիմաց, ինչպես նաեւ փակել է մյուս ծախսերը: Տվյալ գործի շրջանակներում կինոպրոդյուսերին ներկայացվել է կաշառակերության մեղադրանք, հաղորդում է «Ռոսիա 24» հեռուստաալիքը:
Վուլֆը Գերմանիայի նախագահի պաշտոնը թողեց 2012-ինՙ կաշառակերության կասկածների պատճառով: Ներկայիս դատավարությունը պատմության մեջ առաջին դատական գործն է Գերմանիայի որեւէ նախկին նախագահի նկատմամբ:
