Հնդկաստանի Չեննայ քաղաքում մեկնարկած շախմատի կանանց մրցաշարի 100 մասնակիցների թվում է Հայաստանը ներկայացնող Մարիա Գեւորգյանը: Անցկացված 3 տուրից հետո նա ունի 2 միավոր: Մեկնարկում Մարիան 2 անընդմեջ հաղթանակ տոնեց Կավիայի եւ Գոչիկար Ապարաջիտայի նկատմամբ: Իսկ ահա 3-րդ տուրում հայ շախմատիստուհին զիջեց ռուսաստանցի գրոսմայստեր Իննա Իվախինովային:
Ռուսաստանը ներկայացնող Կարինա Համբարձումովան ունի 2,5 միավոր: Մեկնարկում հաղթելով Մեերային եւ Անտո Ջենիտային, 3-րդ տուրում Կարինան հաշտություն կնքեց Մոնիշայի հետ: 3-ական միավորով աղյուսակը գլխավորում են 7 շախմատիստուհիներ:
