Նրա վարկանիշն իջել է 40 տոկոսի
ԱՄՆ նախագահ Բարաք Օբաման ներողություն է խնդրել այն ամերիկացիներից, ովքեր առողջապահությունը բարեփոխելու իր նախաձեռնության պատճառով չեն կարողանա պահպանել բուժապահովագրման սեփական ծրագրերը:
«Ցավում եմ, որ նրանք այդ վիճակում հայտնվեցին իմ տված երաշխիքների պատճառով», հայտարարել է նախագահը NBC News հեռուստաալիքի եթերում: «Մեզ սպասում է տքնաջան աշխատանք, բայց մարդիկ պետք է իմանան. մենք իրենց լսում ենք եւ մտադիր ենք հնարավոր ամեն ինչ անել ծանր վիճակում գտնվողներին օգնելու համար», ավելացրել է նա:
Առողջապահության եւ սոցիալական ապահովության նախարարությունը 2010-ի հուլիսին հաշվարկել է, որ առողջապահության համակարգի բարեփոխման ObamaCare նախագահական ծրագերի հետեւանքով ապահովագրությունից կզրկվի 14 մլն մարդկանց 40-67 տոկոսը:
ObamaCare-ը այժմ տալիս է կասկածելի արդյունքներ: Օրինակ, բուժապահովագրման պայմանագրի նոր տարբերակներ առաջարկող կայքէջը առաջվա պես անկայուն է գործում: Առողջապահության նախարար Քեթլին Սեբելիուսը Կոնգրեսից ներողություն է խնդրել պետական բուժապահովագրության համակարգի այդ կայքէջի անհաջող աշխատանքի համար:
Օբաման խոստովանել է, որ լուրջ բարդություններ են ծագել բոլոր ամերիկացիների համար բուժապահովագրություն նախատեսող բարեփոխման իրականացման գործում:
Մի շարք փորձագետների կարծիքով, կայքէջի վատ աշխատանքը իրավաբանական սողանցքեր ստեղծում ապահովագրություն չստանալու համար: Նման պայմաններում վերջին օրերին Օբամայի վարկանիշը երկրում կտրուկ իջել էՙ հասնելով աննախադեպ ցածր 40 տոկոսի:
