ՃԱՊՈՆԻԱՆ ԾՐԱԳՐՈՒՄ Է ԴԵՍՊԱՆԱՏՈՒՆ ԲԱՑԵԼ ՀԱՅԱՍՏԱՆՈՒՄ

Ի. Պ.

Երեւանում Ճապոնիայի դեսպանատան բացման հարցը դեռեւս լուծված չէ: Այս մասին երեկ լրագրողներին տեղեկացրել է Ճապոնիայի դեսպանության լիազորված համակարգող Արիհիկո Հասեգավան:

Ներկայումս Ճապոնիայի դեսպանատունը գործում է Ռուսաստանում եւ համատեղությամբՙ Հայաստանում, իսկ նստավայրը Մոսկվայում է:

Արիհիկո Հասեգավան նշել է, որ Ճապոնիայի արտաքին գործերի նախարարությունը դեսպանատներ բացելու հայտ է ներկայացրել վեց երկրների, այդ թվումՙ Հայաստանին: Առայժմ հայտնի չէ` կառավարությունը կհաստատի՞ հայտը:

Ճապոնիան ծրագրում է դեսպանատներ բացել Հայաստանում, Թուրքմենստանում, Բութանում, Նամիբիայում, Մարշալյան կղզիների հանրապետությունում եւ Բարբադոսում: