ՀՀ ԳԱԱ Տեղեկատվական-վերլուծական կենտրոն
ՀՀ Գիտությունների ազգային ակադեմիայի հիմնադրման 70-ամյա հոբելյանի առթիվ ՀՀ Նախագահ Սերժ Սարգսյանը պետական պարգեւներ շնորհեց ՀՀ ԳԱԱ-ի աշխատակիցներին: Սուրբ Մեսրոպ Մաշտոցի շքանշանով պարգեւատրվեց` ՀՀ ԳԱԱ Մաթեմատիկայի ինստիտուտի տնօրենի խորհրդական, ՀՀ ԳԱԱ ակադեմիկոս Նորայր Առաքելյանը: Անանիա Շիրակացու մեդալով պարգեւատրվեցին` ՀՀ ԳԱԱ Մաթեմատիկայի ինստիտուտի «Ինտեգրալ եւ ստոխաստիկ երկրաչափություն» բաժնի վարիչ, ՀՀ ԳԱԱ ակադեմիկոս Ռուբեն Համբաձումյանը, ՀՀ ԳԱԱ Երկրաբանական գիտությունների ինստիտուտի օգտակար հանածոների եւ պետրոլոգիայի բաժնի վարիչ, ՀՀ ԳԱԱ թղթակից անդամ Ռաֆայել Մելքոնյանը, ՀՀ ԳԱԱ Ֆիզիկական հետազոտությունների ինստիտուտի տնօրեն եւ օպտիկայի լաբորատորիայի վարիչ, ՀՀ ԳԱԱ թղթակից անդամ Արամ Պապոյանը, ՀՀ ԳԱԱ Էկոլոգանոոսֆերային հետազոտությունների կենտրոնի տնօրեն Արմեն Սաղաթելյանը, ՀՀ ԳԱԱ Ռադիոֆիզիկայի եւ էլեկտրոնիկայի ինստիտուտի տնօրեն Արսեն Հախումյանը, ՀՀ ԳԱԱ ինֆորմատիկայի եւ ավտոմատացման պրոբլեմների ինստիտուտի տնօրեն Վլադիմիր Սահակյանը, «Հայկենսատեխնոլոգիա» ԳԱԿ-ի լաբորատորիայի վարիչ Անահիտ Չախալյանը:
Մովսես Խորենացու մեդալով պարգեւատրվեցին` ՀՀ ԳԱԱ հնագիտության եւ ազգագրության ինստիտուտի բանահյուսության տեսության եւ պատմության բաժնի վարիչ, ՀՀ ԳԱԱ թղթակից անդամ Սարգիս Հարությունյանը, ՀՀ ԳԱԱ Մ.Քոթանյանի անվան տնտեսագիտության ինստիտուտի տնօրեն, ՀՀ ԳԱԱ թղթակից անդամ Վլադիմիր Հարությունյանը, ՀՀ ԳԱԱ գիտակրթական միջազգային կենտրոնի տնօրեն Ալբերտ Սարգսյանը, ՀՀ ԳԱԱ հնագիտության եւ ազգագրության ինստիտուտի առաջատար գիտաշխատող Վերժինե Սվազլյանը, ՀՀ ԳԱԱ բուսաբանության ինստիտուտի տնօրեն, ՀՀ ԳԱԱ թղթակից անդամ Ժիրայր Վարդանյանը, ՀՀ ԳԱԱ «Հայկենսատեխնոլոգիա» գիտաարտադրական կենտրոնի տնօրեն, ՀՀ ԳԱԱ ակադեմիկոս Աշոտ Սաղյանը:
Գիտության վաստակավոր գործչի կոչում շնորհվեց` ՀՀ ԳԱԱ փիլիսոփայության, սոցիոլոգիայի եւ իրավունքի ինստիտուտի «Տեսական փիլիսոփայություն» բաժնի ղեկավար, ՀՀ ԳԱԱ ակադեմիկոս Համլետ Գեւորգյանին, ՀՀ ԳԱԱ օրգանական եւ դեղագործական քիմիայի գիտատեխնոլոգիական կենտրոնի լաբորատորիայի խմբի ղեկավար Մառլենա Հովակիմյանին, ՀՀ ԳԱԱ կենսաբանության եւ հիդրոէկոլոգիայի գիտական կենտրոնի գիտական ղեկավար, ՀՀ ԳԱԱ ակադեմիկոս Սերգեյ Մովսեսյանին:
Արվեստի վաստակավոր գործչի կոչում շնորհվեց ՀՀ ԳԱԱ Արվեստի ինստիտուտի տնօրենի տեղակալ Աննա Ասատրյանին:
