Պետական համակարգի աշխատողների աշխատավարձերը, այսպիսով, եկող տարվա հուլիսի 1-ից կբարձրանան: Ինչպես արդեն նշել էինք մեր նախորդ հրապարակման մեջ («Բյուջե 2014-ը այնպիսին չէր, ինչպիսին նախատեսվում էր», 1.10.2014թ.), աշխատավարձերի բարձրացումը նախատեսված էր հունվարի 1-ից եւ 85 տոկոսով, սակայն դրանք կբարձրանան 40 տոկոսով: Միաժամանակ, կգործի սանդղակ, որով կկարգավորվի աշխատավարձերի ոլորտում ներկայիս խառնաշփոթը, երբ, օրինակ, երկրի նախագահի աշխատավարձն ավելի ցածր էր, քան դատավորի աշխատավարձը: Թե ինչպիսի՞ փոփոխություններ են կրելու բարձրաստիճան պաշտոնյաների աշխատավարձերը, կներկայացնենք հաջորդ հրապարակման մեջ:
Այս անգամ ներկայացնենք կրտսեր, առաջատար, գլխավոր եւ բարձրագույն պաշտոններ զբաղեցնող քաղաքացիական ծառայողների աշխատավարձերի սանդղակը: Տեղեկացնենք, որ կիրառվել է բազային դրույքաչափի` 40 հազար դրամի նկատմամբ գործակիցը: Այսինքն, օրինակ, 1,68 գործակից նշված աշխատավարձի չափն իմանալ կարելի է այդ թիվը բազմապատկելով 40 հազար դրամով, կստացվի մոտ 67 հազար դրամ: Սակայն դա այսպես կոչված «կեղտոտ» աշխատավարձն է, որից պետք է հանել եկամտային հարկի չափը` տվյալ դեպքում մոտ 24 տոկոս, որը սահմանված է մինչեւ 120 հազար դրամ աշխատավարձ ստացողների համար: 120 հազարից ավելի դեպքում եկամտային հարկը 26 տոկոս է` գումարած որոշակի հաշվարկային մեծություն, 2 մլն դրամից ավելիի դեպքում` 36 տոկոս եւ որոշակի հաշվարկային մեծություն:
Այսպիսովՙ ներկայացնում ենք քաղծառայողների տարբեր մակարդակներում տարբեր ենթախմբերի, ըստ աշխատած տարիների փոփոխվող աշխատավարձերի չափերը: Այս սանդղակը հաստատվել է կառավարությունում, բայց դեռւես պետք է քննարկվի եւ ընդունվի Ազգային ժողովում:
