Նկարիչների միության նախագահ Կարեն Աղամյանն ասում է, որ հայկական զինանշանն աղավաղված է եւ փոփոխությունների կարիք ունի:
Երեկ լրագրողների հետ հանդիպման ժամանակ պարոն Աղամյանն անդրադարձավ զինանշանի թերություններին: Ըստ նրա` ներկայումս զինանշանի տեսքը 1918 թվականին նկարված զինանշանից խիստ տարբեր է: Հայաստանի երրորդ հանրապետության զինանշանի առյուծը ճաղատ է, ինչը նշանակում է, որ ծեր է: Սովորաբար զինանշանների վրա պատկերված կենդանիների երախը բաց է լինում, ինչը նշանակում է, որ հսկում են պետության սահմանները, սակայն մեր զինանշանում պատկերված առյուծի երախը բաց չէ: Բացի դրանից` զինանշանի վրա պատկերված թուրը պետք է պատռեր շղթան, սակայն հայկական զինանշանի դեպքում հակառակն էՙ շղթան փաթաթվել է թրին, եւ անգամ թրի ծայրը սուր չէ:
Կարեն Աղամյանը հավելեց, որ մեր զինանշանի մեջ թաքնված են թշնամական նշաններ, եւ կարծես թե մեկը դիտավորյալ աղավաղել է:
Պարոն Աղամյանն ակնկալում է, որ զինանշանի վրա շտկումներ կարվեն, մանավանդ որ հարցը քննարկվել է նաեւ Հանրային խորհրդում:
