«Կասպիական համագործակցության ինստիտուտ»-ի գլխավոր տնօրեն Սերգեյ Միխեեւի խոսքերովՙ Լեռնային Ղարաբաղը ներկայանում է ոչ թե որպես Հայաստանի մաս, այլՙ անկախ պետություն, եւ այդ պատճառով Լեռնային Ղարաբաղի վրա չեն կարող տարածվել ՀԱՊԿ-ի նորմերը:
«Հայաստանի վրա ՀԱՊԿ-ի բոլոր նորմերը կտարածվեն եւ Հայաստանի դեմ ագրեսիայի դեպքում կգործեն համատեղ պաշտպանության դրույթները: Սակայն այդ դրույթները Ղարաբաղի վրա չեն տարածվում», ասաց նա:
«Խելամիտ ինտերնետ» հիմնադրամի գլխավոր տնօրեն Վլադիմիր Մամոնտովի խոսքերովՙ ՀԱՊԿ-ի վերաբերյալ տեղեկատվության հանրայնացման պակաս կա: Նրա գնահատմամբՙ հսկայական գործ է արվում, սակայն դրա մասին քիչ է խոսվում, եւ հասարակության լայն զանգվածները տեղեկացված չեն:
Միխեւեի խոսքերովՙ անհրաժեշտ է, որ ՀԱՊԿ-ի անդամ երկրների վերլուծական կենտրոնների միջեւ շփումներն առավել հաճախակի դառնան եւ հումանիտար համագործակցությունն առավել բարձր մակարդակի վրա գտնվի: Միխեւեի գնահատմամբՙ ՀԱՊԿ-ը փորձում են ներկայացնել որպես Ռուսաստանի քմահաճույքով ստեղծված կազմակերպություն, որի միջոցով Մոսկվան փորձում է վերականգնել ԽՍՀՄ-ը, սակայն այդպես չէ: Ըստ նրաՙ ՀԱՊԿ-ը տարածաշրջանային անվտանգության կարեւորագույն կառույց է, եւ հակամարտությունների ժամանակ կազմակերպությունը պայքարելու է սպառնալիքների դեմ:
