Թաթուլ Մանասերյանը` Հրանտ Բագրատյանի մասին
Անդրադառնալով Հրանտ Բագրատյանի հրապարակային ելույթներին եւ կանխատեսումներինՙ երեկ տեղի ունեցած մամուլի ասուլիսի ժամանակ, տնտեսագետ, «Այլընտրանք» կենտրոնի ղեկավար Թաթուլ Մանասերյանն ասաց. «Ես նման անձնավորության որպես տնտեսագետի չեմ ընդունում, չեմ ճանաչում, առավել եւս մարդը համարձակություն չի ունեցել նստել եւ տղամարդավարի վերլուծել այն, ինչ վերաբերում է տնտեսագիտությանը: Եթե այդ մարդը այդ կարողությունները ունի եւ անհավասարակշիռ կեցվածքով կարող է միայն «համբալներ» եւ այլ արտահայտություններ անել, ուրեմն դա իր գործն է, իրեն կարող եք հարցնել կամ այլոց»: Շարունակելովՙ Թաթուլ Մանասերյանը հայտնեց, որ Բագրատյանին դատական վճռով գրագող են համարում: «Իրեն հարցրեք, եւ մի մարդ չէ, մի քանիսն են իր թիմակիցներիցՙ Մովսես Արիստակեսյան, Մանե Հակոբյան, մյուսները: Ինքը շատ բան կարող է չընդունի, դատարանի վճիռ կա», ասաց նա:
