Սեպտեմբերի 10-ին Առողջապահության համաշխարհային կազմակերպությունը (ԱՀԿ) եւ Ինքնասպանությունների կանխարգելման միջազգային ասոցիացիան նշում են ինքնասպանությունների կանխարգելման համաշխարհային օրը (World Suicide Prevention Day), որի նպատակն է խրախուսել ինքնասպանությունների կանխարգելմանն ուղղված գործողությունները:
ԱՀԿ-ի տվյալներովՙ ինքնասպանությունների հետեւանքով մահվան դեպքերի թիվը տարեկան մոտենում է 1 մլն-ի: Միտումն այնպիսին է, որ մինչեւ 2020-ը ինքնասպանությունների թիվը, ամենայն հավանակությամբ, կաճի մեկուկես անգամ:
Ինքնասպանությունների թվով աշխարհում առաջատար են զարգացած երկրները, իսկ ինքնասպանությունների ամենացածր ցուցանիշը լատինամերիկյան պետություններում ու իսլամական երկրներում է:
Իսկ Հայաստանում անցյալ տարի եղել է ինքնասպանության եւ ինքնասպանության փորձերի 740 դեպք, եւ այս թիվը, 2011 թվականի համեմատությամբ 14,4%-ով ավելի է:
