«Արմենիա-Մարիոթ» հյուրանոցում երեկ մեկնարկեց Սոցիալ-դեմոկրատ հնչակյան կուսակցության համագումարը, որին մասնակցում էին 13 մասնաճյուղերի ներկայացուցիչներ: Մի քանի օր շարունակ հնչակյանները Ծաղկաձորում կքննարկեն ինչպես հայաստանյան, այնպես էլ սփյուռքահայությանը վերաբերող խնդիրները: Բացի քննարկումներիցՙ համաժողովի ընթացքում կուսակցության ղեկավար կազմը` կենտրոնական վարչությունը կորոշվի:
ՍԴՀԿ ատենապետ Սեդրակ Աճեմյանի խսքերովՙ կուսակցության հայաստանյան կառույցում բազմաթիվ խնդիրներ են եղել: Մասնավորապես 2009-ին հնչակյանները դժվար փուլ մտան: «Խնդիրն այն էր, որ մենք ժամանակին չտեսանք եւ չկարողացան չեզոքացնել վտանգը: Դա էր պատճառը, որ հայաստանյան կառույցում եղան ցնցումներ, որոնք ազդեցին նաեւ կուսակցության աշխատանքի վրա: Սակայն դրանով հանդերձ, կուսակցությունն իր դիրքորոշումը ներկայացրեց հայ-թուրքական արձանագրությունների, նաեւ հայաստանյան խնդիրների վերաբերյալ: Այժմ իմաստավորվելու ժամանակն է, եկել է ժամանակը ոտքի կանգնելու եւ շարունակելու աշխատել, որպեսզի մեր պետությունը բռնի ժողովրդավարության ուղին: Հետեւաբարՙ ի գործ», ասաց Սեդրակ Աճեմյանը:
Հնչակյանների համագումարին ողջույնի խոսք էր հղել վարչապետ Տիգրան Սարգսյանը , կուսակցության աշխատանքին գնահատանքի խոսքեր ուղղեց սփյուռքի նախարար Հրանուշ Հակոբյանը : Համագումարին ներկա էին նաեւ ավանդական մյուս երկու կուսակցությունների, նաեւ այլ կազմակերպությունների ներկայացուցիչներ:
