Արդարադատության նախարարություն այցելած նախագահ Սերժ Սարգսյանը ի թիվս այլ թեմաների երեկ խոսել է Հայաստանում բարեփոխումների շարունակակության ռազմավարության մասին, անդրադարձելՙ Հայաստանիՙ Մաքսային միությանը միանալու ընթացակարգային խնդիրներին:
«Մտել ենք մի փուլ, երբ պետք է մեր ջանքերն ավելացնենք: Մի կողմից պետք է բարեփոխումները շարունակենքՙ հասցնենք տրամաբանական ավարտին, մյուս կողմից էլ պետք է կարողանանք Մաքսային միության հետ կապված նոր գործընթացը առաջ տանել, մենք հսկայական աշխատանք ունենք կատարելուՙ մինչեւ 50 փաստաթուղթ պետք է տանենք Ազգային ժողով: Իսկ այդ փաստաթղթերի պատրաստման հիմնական բեռը եւ բազմաթիվ այլ խնդիրներ ձեզ վրա են լինելու: Այսինքնՙ մենք հիմա պետք է մեր աշխատաժամանակն էլ երկարացնենք, աշխատանքի արդյունավետությունն էլ բարձրացնենք», ասել է նախագահը:
