Տորոնտոյի (Կանադա) «Համազգային թատերասրահում» երկու ներկայացումներով հանդես է եկել Սբ Երրորդություն հայաստանյայց առաքելական եկեղեցու «Սասուն» պարախումբը, տեղեկացնում է «Ապագայ» շաբաթաթերթը:
«Սասուն» պարախումբը ստեղծվել է 2004 թվին Զարեհ ա. քհն. Զարգարյանի եւ Տորոնտոյի տաղանդավոր ընտանիքներից մեկի նախաձեռնությամբ: Ունի երեք ստորաբաժանումներում (8-10 տարեկաններ, 11-13 տարեկաններ եւ 14-ից բարձր տարեկաններ) 80 անդամներ: Գեղարվեստական ղեկավարն է Ջո Ավագյանը: Պարուսույցն ու երաժշտական համադրողըՙ Սեւակ Ավագյանը: Խումբը հայկական մշակույթը պարի միջոցով ներկայացրել է Օնարիո եւ Քվեբեկ նահանգներում:
Այս տարվա 9-րդ տարեկան ելույթի ժամանակ պարախումբը նոր հայտագիր է ներկայացրելՙ համագործակցելով սերբական ժողովրդական պարախմբի (ղեկավար Միրոսլավ Բատա Մարչեդիչ) հետ, աննախադեպ խանդավառ մթնոլորտ ստեղծելով դահլիճում: Երեկոյին իր մասնակցությունն է բերել նաեւ սոպրանո Սոնա Հովսեփյանը: Հոկտեմբերին պարախումբը պատրաստվում է ելույթներ ունենալ Ուրուգվայում եւ Արգենտինայում:
