Երեւանում վերաբացվել են շուրջ մեկ ամիս առաջ գործունեությունը դադարեցրած բարեգործական 7 ճաշարաններ: Ժամանակավորապես չգործող ճաշարանները վերաբացվել են խաղողօրհնեքի արարողությամբ:
Երեւանի քաղաքապետարանի եւ հասարակական կազմակերպությունների սոցիալական գործընկերության սկզբունքով մայրաքաղաքում գործում են 16 բարեգործական ճաշարաններ, որոնց 2400 շահառուներ երկուշաբթիից ուրբաթ օրական մեկ անգամ ճաշում են լիարժեք սննդակարգով:
Երեւանի քաղաքապետարանի փոխանցմամբ` պետական եւ եկեղեցական տոներին բարեգործական ճաշարաններում տոնական ճաշկերույթներ են կազմակերպվում:
Բարեգործական ճաշարանների շահառուները հավաքագրվում են կառավարության հաստատած կարգով:
