«Երեւանյան ամառ» ծրագրով օգոստոսի 1-ից Երեւանի մարդաշատ վայրերում քաղաքապետարանը տոմսակներ է բաժանում քաղաքացիներինՙ թանգարաններ անվճար այցելելու համար: «Երեւանյան ամառ» տոմսակները մինչեւ օգոստոսի 31-ը կիրառելի են Երեւան քաղաքի պատմության թանգարան, «Էրեբունի» պատմահնագիտական արգելոց-թանգարան, Ժամանակակից արվեստի թանգարաններ եւ «ՀայԱրտ» մշակութային կենտրոնի Իսաբեկյան ցուցասրահ անվճար այցելությունների համար:
Երեւանի քաղաքապետրանի փոխանցմամբ` «Երբ հանգիստդ վայելում ես Երեւանում» խորագրով տոմսակներում նշված 4 թանգարաններ օգոստոսի 6-ից 18-ը այցելել է 2000 քաղաքացի, ինչն այցելության բավականին բարձր ցուցանիշ է օգոստոս ամսվա համար: Թանգարաններ այցելության տոմսակները ծառայում են նաեւ որպես յուրօրինակ ծանուցագրեր:
