Մադրիդի «Ռեալը» «Տոտենհեմի» կիսապաշտպան Գարեթ Բեյլին թիմում ընդգրկելու հույսը չի կորցնում: «Ռեալը» պատրաստ է «Տոտենհեմին» կանխիկ վճարել 51 մլն ֆունտ ստեռլինգ, նաեւ տրամադրել կիսապաշտպան Անխել դի Մարիային եւ պաշտպան Ֆաբիո Կոենտրաուին: Այսպիսով, գործարքի ընդհանուր արժեքը կկազմի 95 մլն ֆունտ ստեռլինգ: Նշենք, որ ավելի վաղ «Տոտենհեմը» մերժել էր Բեյլին 81 մլն ֆունտ ստեռլինգով վաճառելու առաջարկը: Իսկ ֆուտբոլիստը ցանկանում է խաղալ «Ռեալում»:
Գարեթ Բեյլը վերջնական որոշում է կայացրել այլեւս խաղադաշտ դուրս չգալ անգլիական թիմի մարզահագուստով, քանի որ շատ է ցանկանում խաղալ Մադրիդի «Ռեալում»: Բեյլի գործակալները հանդիպել են «Տոտենհեմի» սեփականատեր Դենիել Լեւիի հետ: Վերջինս բանակցությունների է հրավիրել Բեյլի ծնողներին, որպեսզի վերջիններս համոզեն որդուն շարունակել ելույթները թիմի կազմում:
«Տոտենհեմը» ներկայացրել է իր պահանջները: Բեյլի տեղափոխության դիմաց ակումբը «Ռեալից» պահանջում է 98 մլն եվրո եւ Պորտուգալիայի հավաքականի պաշտպան Ֆաբիու Կոենտրաուին: Վերջինիս տրանսֆերային արժեքը 20 մլն եվրո է: Հաջորդ շաբաթ սպասվում է 2 ակումբների նախագահների հանդիպումը, որի ժամանակ էլ հավանաբար վերջնականապես պարզ կդառնա Գարեթ Բեյլի ճակատագիրը:
