ՎԱՐՈՒԺԱՆ ՀԱԿՈԲՅԱՆՆ ԱՌԱՋԱՏԱՐՆԵՐԻՑ ՄԵԿՆ Է

ԱՄՆ-ի Արլինգտոն քաղաքում ընթացող շախմատի միջազգային մրցաշարում հաջող է խաղում Վարուժան Հակոբյանը: Անցկացված 8 տուրից հետո նա 6 միավորով 7 շախմատիստների հետ գլխավորում է աղյուսակը: Հակոբյանը հաղթել է Կազիմ Գուլամալիին, Տեգշսուրեն Էնկբատին, Ալեքսանդր Ֆիշբեյնին, Ռոյ Ռոբսոնին, հաշտություն է կնքել Լիու Յիանի, Սերգեյ Էրենբուրգի, Լազարո Բրուզոնի եւ Քուեսադա Յունիեսկիի հետ:

Տաթեւ Աբրահամյանը 8 հնարավորից վաստակել է 4 միավոր: Նա տոնել է 3 հաղթանակ, 2 պարտիա ավարտել է ոչ-ոքի, կրել է 3 պարտություն: