Երեկ Եվրոպայի լիգայի մրցաշարի առաջին խաղում «Փյունիկը» հյուրընկալվել էր Մակեդոնիայի գավաթակիր «Տետեքսին», որը դուրս էր մնացել երկրի բարձրագույն խմբի առաջնությունից:
«Փյունիկն» այդ խաղում մոտ էր հաջողությանը: 81-րդ րոպեին փոխարինման մտած Վիուլեն Այվազյանը մեն մենակ դուրս գալով դարպասապահի դիմաց, առաջ մղեց «Փյունիկին»: Ցավոք, փյունիկցիները չպահպանեցին հաղթական հաշիվը: Վերջին րոպեին անկյունայինի խաղարկումից հետո «Տետեքսի» հարձակվող Գենս Իսենը հավասարեցրեց հաշիվը: Ինչ խոսք, նման արդյունքն էլ «Փյունիկին» հիանալի հնարավորություն է ընձեռում շարունակելու պայքարը Եվրոպայի լիգայում: Դրա համար անհրաժեշտ է հուլիսի 11-ին սեփական հարկի տակ կայանալիք խաղում առնվազն գոլ բաց չթողնել:
Եվրոպայի լիգայի մրցաշարում Հայաստանի երրորդ ներկայացուցիչ «Միկան» երեկ ուշ երեկոյան մրցակցի դաշտում մրցեց Չեռնոգորիայի «Ռուդարի» հետ:
