Պատկերացրեք` այս թեմայով միջազգային սեմինար էր երեկ Ազգային ժողովում, ճիշտ է, քննարկման վերնագրում թափանցիկություն բառը չկար, սակայն նախաձեռնող պաշտպանության, ազգային անվտանգության եւ ներքին գործերի հանձնաժողովի նախագահ Կորյուն Նահապետյանի խոսքով` առաջին անգամ անցկացվող այս սեմինարը վկայում է ոլորտում գնումներն ավելի թափանցիկ դարձնելու անհրաժեշտության մասին: Եվ իսկապես էլ` միջազգային փորձագետներով, պաշտպանության ոլորտի տեղացի եւ արտերկրի ներկայացուցիչներով, Ազգային ժողովի պատգամավորներով քննարկում էին ոլորտում առկա խնդիրները, գնումների արդյունավետության ապահովման գործոնները, խորհրդարանի դերն այդ գործում վերահսկողություն ապահովելու համար:
Միջազգայինները փորձ էին փոխանցում, մերոնք տմբտմբացնում գլուխները` թե, հա, շատ կարեւոր բաներ եք ասում, իսկ ընդհանրապես` հնարամտորեն գնումներ անելու, այս ու այն գործարարին ոլորտի «օպտվի» գնումներով մշտական շահույթն ապահովելու մերոնց փորձն ո՞վ ունի…
