Դիլիջանում ՖԻԴԵ-ի 2013-ի կանանց մրցաշարի մասնակիցներն ու լրագրողները ապահովված են գերարագ ինտերնետ կապով
Դիլիջանում ընթացող ՖԻԴԵ-ի կանանց 2013-ի մրցաշարի կազմակերպման նպատակով ՎիվաՍել-ՄՏՍ-ն Դիլիջանի երկրաբանական թանգարանի եւ Dilijan Resort & SPA հյուրանոցի տարածքներն ապահովում է ինտերնետ հասանելիությամբ եւ աջակցում ամբողջական տեխնիկական սպասարկմամբ:
ՎիվաՍել-ՄՏՍ-ի տրամադրած լայնաշերտ ինտերնետ կապի առաջադեմ տեխնոլոգիաների եւ մինչեւ 100 Մբիթ/վրկ արագությամբ ինտերնետի շնորհիվ, աշխարհի տարբեր անկյուններում գտնվող շախմատի սիրահարները հնարավորություն ունեն մրցաշարը դիտելու առցանց ռեժիմով: Գերարագ ինտերնետի շնորհիվ մրցաշարի մասին պատմող պատկերներն ու տեսանյութերը կարող են վերբեռնվել եւ հասանելի դառնալ լայն հանրությանը: Քանի որ դիտողներն ինտերնետի միջոցով ավտոմատ կերպով գրանցվում են ՖԻԴԵ-ի վեբկայքում, շախմատի սիրահարները կարող են նաեւ անմիջապես տնից հետեւել մրցաշարի ընթացքին, մարզիկների յուրաքանչյուր քայլին:
Ավելին, ՎիվաՍել-ՄՏՍ-ի շնորհիվ մրցաշարի հյուրերն իրենց տրամադրության տակ ունեն գերարագ Wi-Fi ինտերնետՙ տեղեկությունները փոխանակելու, ինչպես նաեւ հյուրանոցից իրենց ընտանիքների եւ մտերիմների հետ կապի մեջ մնալու համար: ՎիվաՍել-ՄՏՍ-ի աշխատակիցները մրցաշարի անցկացման օրերին հետեւում են ցանցի աշխատանքին եւ անհրաժեշտության դեպքում` մասնակիցների եւ հյուրերի համար ապահովում տեխնիկական աջակցություն:
ՎիվաՍել-ՄՏՍ-ն աջակցում է մի նախագծի, որը ձեռք է բերել ազգային հաղթանակների եւ հպարտության նշանակություն: Մենք` հայերս, լինելով ոչ մեծաթիվ ազգ, շախմատային հսկա ենք աշխարհում: Փաստ, որն ապացուցում է, որ մտավոր կապիտալը մեր մրցակցային առավելությունն է:
«ԳրանՊրի»-ին մասնակցում են աշխարհի ուժեղագույն շախմատիստուհիներից 12-ը, ովքեր ներկայացնում են Հնդկաստանը, Ռուսաստանը, Ուկրաինան, Մոնղոլիան, Վրաստանը, Սլովենիան, Բուլղարիան, Լիտվան եւ Հայաստանը:
Միջազգային կարեւորագույն այս մրցաշարը նվիրված է շախմատի աշխարհի կրկնակի չեմպիոն ՏիգրանՊետրոսյանի հաղթանակի 50-ամյակին, որը նա տոնել է 1963թ. Միխայիլ Բոտվիննիկի հետ պայքարում:
