Անցյալ շաբաթավերջին համացանցում հայտնվեցին նավահանգստում տանկերի եւ ցամաքային զորքերի այլ զինատեսակների բեռնաթափման ու տեղափոխման լուսանկարներ: Ըստ milkavkaz.net կայքէջի, այդ տեխնիկան կարող է ցուցադրվել հունիսի 26-ին Բաքվումՙ Ադրբեջանի զինված ուժերի օրվան նվիրված զորահանդեսի ժամանակ:
ՌԴ պաշտպանության նախարարության աղբյուրներ վկայակոչելովՙ «Վեդոմոստի» թերթը գրում է, որ լուսանկարները իսկական են եւ արտացոլում են ցամաքային ռազմական տեխնիկայի մատակարարումներըՙ Ադրբեջանի հետ 2011-2012 թթ. ստորագրված պայմանագրերի փաթեթին համապատասխան:
Թերթի տվյալներով, խոսքը T-90 տիպի 94 տանկի, մոտ 100 հատ ըԾկ-3 հետեւակի մարտամեքենայի, 18 հատ «ԾրՑՈ-հ» հրետակայանքի, համազարկային կրակի 18 «հՎպՐփ» արձակման կայանքի, «ԹպվՈ» տիպի 18 ինքնընթաց հրետանու եւ ՁԿհ-1Ը «հՏսվՓպտպՍ» տիպի 6 ծանր հրանետային համակարգի մասին է: Զինամթերքը ներառյալ, պայմանագիրը գնահատվում է մոտ 1 մլրդ դոլար:
Փորձագետները նշում են, որ այդ մատակարարումները Ռուսաստանին թույլ են տալիս իր ազդեցության տակ պահել Ադրբեջանին եւ կրճատում են Բաքվի գնումները միջազգային շուկայում:
Ադրբեջանը զենք է գնում նաեւ այլ երկրներից, մասնավորապես Իսրայելից: 2012-ին կնքվեց 1,6 մլրդ դոլար ընդհանուր արժեքով երկու խոշոր գործարք (տասնյակ անօդաչու ինքնաթիռներ, արդիական ռադարներ եւ այլ սպառազինություն): 2012-ի ամռանը հաղորդվեց, որ Ադրբեջանը կարող է իր բանակի ռուսական ինքնաձիգները փոխարինել իսրայելական «Տավորաներով»:
