Հնդկաստանի Մումբայ քաղաքում ընթացող շախմատի մրցաշարի 9-րդ տուրում 2-րդ անընդմեջ հաղթանակները տոնեցին Լեւոն Բաբուջյանն ու Զավեն Անդրեասյանը: Լեւոնը հաղթեց Դավիթ Պետրոսյանին, իսկ Զավենն առավելության հասավ Սամեր Կատմալեի նկատմամբ: Հայ շախմատիստները 7-ական միավորով հետապնդում են իրենցից կես միավոր ավելի վաստակած վրացի գրոսմայստեր Լեւան Պանցուլայային: Վերջինս հաղթեց Ալեքսանդր Զուբարեւին: Դավիթ Պետրոսյանը 6 միավորով 12-րդ տեղում է:
6 միավոր ունի նաեւ Գեւորգ Հարությունյանը, որը պարտության մատնեց Բհուվանեշ Ռամնաթին: 5 միավոր ունեցող Վահե Բաղդասարյանը կրկին պարտվեցՙ զիջելով Սուրի Վայբհավին:
4-ական միավոր են վաստակել Արմինե Բաբայանն ու Մարիա Գեւորգյանը: Արմինեն պարտվեց, իսկ Մարիան հաղթեց:
