Լրագրողական մեր հանրույթը ծանր կորուստ կրեց. 48 տարեկան հասակում կյանքից հեռացավ մեր կայացած, հարգանք եւ հեղինակություն վայելող հեռուստալրագրող, հաղորդավար եւ զրուցավար Գայանե Փայտյանը: Ասպարեզն սկսելով դեռեւս Ազգային կոչվող հեռուստաընկերության (այժմ` Հ1) եթերից, հետագայում մշտական ու պատվավոր տեղ զբաղեցնելով Հ2 հեռուստաընկերությունում, նա իր հմտությամբ, խելացի եւ հանգիստ պահվածքով գրավել էր հեռուստադիտողի սիրտը` լրագրողական վստահելիության դիրքերում: Ամուսնացած էր եւ մայր` երկու երեխաների:
Խմբագրության ցավակցությունները ամուսնուն, երեխաներին, ընտանիքի մյուս անդամներին, գործընկերներին եւ Հ2-ի ղեկավարությանը:
