Ռուսական զորքերն Ուկրաինա էին ներխուժել փետրվարի 24-ին, ընդ որում երկիրը 72 ժամում գրավելու հաշվարկով: Արդեն ներխուժումից գրեթե մեկ ամիս է անցել, առայժմ շարունակում է անխնա ռմբակոծել ուկրաինական քաղաքները, հատկապես Խարկովն ու Մարիոպոլը, որ հիմնահատակ ավերի:
Բայց ապարդյուն: Որեւէ քաղաք գրավելու համար պետք է զորք մտցնել: Քանի որ Ռուսաստանի 200 հազարանոց բանակը խուսափում է դրանից, ուստի ավերելու եւ սպանությունների միջոցով փորձում է ահաբեկելու միջոցով ծնկի բերել ուկրաինացի ժողովրդին: ԱՄՆ-ն ու Եվրոպական միության երկրները, տրամադրելով Ուկրաինայի նոր ռազմական աջակցություն զենքի եւ զինամթերքի տեսքով, պատժամիջոցների են ենթարկում Ռուսաստանին, ժողովրդական զանգվածների մեջ նախագահ Պուտինի դեմ ընդվզում առաջացնելու նպատակով:
Այդ զանգվածները դեռեւս չեն ընդվզել, նրանց փոխարեն ընդվզում են երկրում Պուտինի հենարանը հանդիսացող օլիգարխները, որովհետեւ իրենք եւս դարձել են պատժամիջոցների թիրախ: Մինչ Ուկրաինայի ժողովուրդը մարտնչում է պաշտպանելու համար հայրենիքի ինքնիշխանությունն ու անկախությունը, օլիգարխներն էլ պայքարում են առգրավումից փրկել ունեցվածքը, մասնավորապես զբոսանավերը, ապավինելով Թուրքիայի աջակցությանը, որն ապրելով ֆինանսական խորը ճգնաժամ, ռուս օլիգարխներին դիտում է ճգնաժամից դուրս գալու պատեհ միջոց: Նախագահ Էրդողանի իշխանությունները հույսեր են փայփայում տնտեսական ակնկայունության, ֆինանսական հարաճուն ճգնաժամի, ինչպես նաեւ օրինականության բացակայության պատճառով երկրից հեռացած օտարկերացի ներդնողնորին փոխարինել ռուս օլիգարխներով:Զբոսանավերի պարագայում խոսքը միլիարդատեր Ռոման Աբրամովիչի մասին է: Մարտի 22-ին Աբրամովիչի 2-րդ զբոսանավը՝ Eclipse-ը, Էգեյան ծովի հունական Ռոդոս կղզուց եկել է առափնյա Բոդրում եւ խարիսխ է գցել Մարմարիս նավահանգստում: Այնտեղ էր գտնվում նաեւ նախորդ օրը ժամանած My Solaris-ը: Այս երկու զբոսանավերը իսկույն հայտնվել են թուրքական լրատվամիջոցների, նաեւ Բոդրումի բնակիչների կամ այնտեղ հանգստացող զբոսաշրջիկների ուշադրության կենտրոնում:
Թուրքական կենտրոնական բոլոր թերթերը հիացմունքով են նկարագրում Աբրամովիչի զբոսանավերը,: Դրանցից Eclipse-ը , անվանելով լողացող պալատ, նշում են, որ իր տեսակի մեջ ամենաթանկն է աշխարհում, 1.2 միլիարդ դոլար արժողությամբ: Զբոսանավի երկարությունը 163.5 մետր է, լայնությունը՝ 23 մ., ունի 3 լողավազան, կինոդահլիճներ, 2 փոքրիկ սուզանավ, ինչպես նաեւ թռիչքային հրապարակ ուղղաթիռների համար եւ հագեցված է հակահրթիռային համակարգով: Այդ իսկ պատճառով Eclipse-ը թերթերում նույնացվում է ռազմանավի հետ:
Զբոսանավերին հսկում են թուրքական ռազմածովային ուժերի պահականավերը, բացի դրանից, երբ հետաքրքրասերները փորձում են նավակներով մոտենալ, իսկույն հնչում է նախազգուշական ահազանգ այդ նավերից: Գալով «My Solaris»-ին, թուրքական թերթերն այնքան են հրապուրվել «Eclipse»-ով, որ մոռացել են տվյալներ հաղորդել դրա մասին: Պարզապես նշել են, որ Աբրամովիչը հայտնվել է Բոդրումի փողոցներում:
ՀԱԿՈԲ ՉԱՔՐՅԱՆ
Թուրքագետ
My Solaris-ի լուսանկարը “Անադոլու” գործակալության
