Ստորեւ՝ անգլերենից թարգմանաբար ներկայացվող գրությունը, որի հեղինակը չցանկացավ իր անվան հրապարակումը, պատմում է Մ. Նահանգների փոխնախագահ Ջեյ Դ. Վենսի հետ Նիկոլ Փաշինյանի լուսանկարվելու միջադեպը՝ հավելյալ մանրամասնություններով:
Նիկոլ Փաշինյանի Վաշինգտոն կատարած վերջին այցին ընդառաջ նրա գրասենյակը, ինչպես նաեւ ՀՀ ողջ արտգործնախարարությունը ամիսներ շարունակ Վաշինգտոնում փնտրում էին բավարար ազդեցություն ունեցող մի մարդու, որը կկարողանար Կրոնական Ազատության գագաթնաժողովի միջոցառումների ընթացքում նրան մոտեցնել նախագահ Դոնալդ Թրամփին եւ, այսպես ասած՝ դասավորել նրա հետ լուսանկարվելու գոնե մեկ առիթ՝ այն Հայաստանում օգտագործելու համար:
Հայաստանի դեսպանատանը կայացած հայկական համայնքի ընտրովի անդամների հետ աղետալի հանդիպման ժամանակ, այնտեղ գտնվող Save Armenia կազմակերպության ոչ հայազգի մեծաթիվ անդամների ներկայությամբ նաեւ, Փաշինյանը հայերեն լեզվով կրկին ցափռտեց, թե շնորհիվ հինգ հազար հայ զինվորների զոհվելուն, տասը հազար վիրավորների ու դեռեւս չբացահայտված թվով անհայտ կորածների առկայությամբ, Հայաստանը վերջապես ձեռք է բերելու խաղաղ ժամանակներ, ինչը ապշած թողեց հայկական կազմակերպությունների ներկայացուցիչներին, որոնք նստած էին դահլիճում առանց ծպտուն հանելու: (Ի՜նչ անգութ ու նաիվ անձ է Փաշինյանը): Ի սկզբանե հրավիրյալների հեռախոսները առգրավված էին արդեն դեսպանատան մուտքին, եւ նրանք հնավորություն չունեին ձայնագրելու մասնակիցների հարցումները:
Եվ ահա՛ հայկական ծագումով հանրապետական քաղաքական գուրուն՝ Էնդի Սուրաբյանը (Andy Surabian), Մասաչուսեթից: Այս անձնավորությունը քոլեջն ավարտելուց հետո իր կարիերան սկսել է Աշխատանքի Իրավունքի Ազգային կոմիտեում, որից հետո դարձել է Tea Party Express ընկերության քաղաքական տնօրեն եւ աշխատել է Հանրապետական կուսակցության ապստամբ թեկնածուների համար: 2016 թ.ին նրան միացրել են Թրամփի ընտրարշավի անձնակազմին եւ նշանակել Նյու Յորքի Թրամփ Թաուերի ընտրապայքարի գրասենյակի տնօրեն: Այն բանից հետո, երբ 2016 թ.ին Թրամփը հաղթեց ընտրություններում, Սուրաբյանը Սպիտակ տան արեւմտյան թեւում միացավ Ստիվ Բեննոնին ու մինչեւ սեպտեմբեր ծառայեց որպես նախագահի եւ փոխնախագահի հատուկ օգնական: Անցյալ տարվա ընթացքում նա արդեն փոխնախագահ Չեյ Դ. Վենսի խորհրդականն էր եւ քաղաքական իր սուր մտքով օգնել էր նրան լարված ընտրապայքարում:
Սուրաբյանը հայտնի չէ Մասաչուսեթի կամ այլուր ապրող հայ համայնքին: Փաշինյանի Վաշինգտոն այցից դեռ մեկ ամիս առաջ նա հեռախոսազանգի եւ նամակների ռմբակոծության էր ենթարկվել Կրոնական Ազատության գագաթնաժողովի ընթացքում նախագահ Թրամփին հանդիպելու եւ լուսանկարվելու համաձայնություն ձեռք բերելու խնդրանքով: Ի վերջո, բազում խնդրանքներից հետո, փոխնախագահ Վենսն իր համաձայնությունը տվել էր ընդամենը մեկ լուսանկար ունենալու Փաշինյանի հետ Վաշինգտոնի «Hilton» հյուրանոցում կայացած գագաթաժողովի ընթացքում, որտեղ ինքն էլ ներկա էր գտնվել ու ելույթ ունեցել:
