«Ժողովրդավարություն, խոսքի ազատություն, երիտասարդություն եւ կամավորություն» թրեյնինգ-սեմինարի շրջանակներում HUJ կազմակերպության կամավորները դեկտեմբերի 6-ին այցելեցին Հույսի Ավան՝ «Դիակոնիա» բարեգործական հիմնադրամ՝ ծանոթանալու կազմակերպության Հրուշակեղենի արտադրամասի ուսումնական կենտրոնի եւ Կարի արտադրամասի աշխատակիցների հետ:
Կարի արտադրամասի գլխավոր մասնագետի խոսքերով՝ իրենք աշխատում են ժողովրդի պահանջներին համապատասխան: Նրանց պատրաստած անկողինները մյուսների հետ համեմատած ավելի որակով են:
Կարի արտադրամասի ուսուցիչ՝ Էլվիրա Մկրտչյանի խոսքերով՝ արտադրամասում սովորողներից լավագույնները ուղարկվում են naze: Էլվիրան միշտ աշխատել է տանը: Աղջիկ ուներ, որը սովորում էր տանը վճարովի հիմունքներով եւ միաժամանակ արտադրամասում էր սովորում: Ստացվեց այնպես, որ տնօրենությանը ասել էին. հրավեր ստացավ ու եկավ: Սա իր մասնագիտությունն է: «Դիակոնիայում» աշխատելը իր համար հրաշալի է:
Կարինեն եւ Լիլիթը նշեցին, որ 9 ամիս սովորել են, եւ որպես լավագույն աշակերտներ շարունակում են սովորել արտադրամասում: Շատ գոհ են իրենց մասնագիտությունից եւ ստացած ուսումից: Իրենք արդեն ինքնուրույն կարողանում են կիսաշրջազգեստ կարել:
«Մենք շահել ենք, քանի որ ընկեր Արմենի ուսանողներն ենք: Շատ մեծ ոգեւորությամբ ենք դասերին մասնակցում ու փորձում այն ամենը, ինչը տալիս է ընկեր Արմենը, որ շատ լավ վարպետ է»,- ասում է Լուսինե Իսայանը:
Օվսաննա Շառաֆյանի խոսքերով՝ արդեն երկու ամիս է, ինչ սովորում է հրուշակագործություն: Եկել է սովորելու այն ամենը, ինչը իրենց տալիս է վարպետը, որպեսզի հետագայում ինքն ունենա իր արտադրամասը: Առաջին պատրաստածներից առանձնացնում է մածունով գաթան:
Ըստ Լուսինեի՝ շատ մեծ ոգեւորությամբ է գնում դասերի ու շարունակելու է մինչեւ վերջ: Հետաքրքրությունները ավելի ու ավելի ընդլայնվում են պատրաստման ժամանակ: Մեծ հույսեր ունի, որ այս գիտելիքները կփոխանցի իր երեխաներին, քանի որ ասում է, յուրաքանչյուր մայր պետք է իր խոհարարական հմտությունները փոխանցի իր երեխաներին:
«Դիակոնիա» բարեգործական հիմնադրամը ստեղծվել է 2001 թվականին: Նույն տարում կառավարության մարդասիրական օգնության կենտրոնական հանձնաժողովը հիմնադրամին Աշտարակի խճուղու հարեւանությամբ 16 հեկտար հողատարածք հատկացրեց՝ բնակելի ավան ստեղծելու նպատակով: Այն նախատեսված էր լինելու 200 անապահով ընտանիքների համար, ավանում այժմ բնակվում է 79 ընտանիք:
ԱՐՈՒՍ ՄԵԼԻՔՅԱՆ
