Հանրահավաք՝ մարտի 20-ին՝ Արցախի ժողովրդի կարիքների ապահովման նախաձեռնության կողմից

Արցախի ժողովրդի կարիքների ապահովման նախաձեռնությունը մարտի 20-ին, ժամը 15:30-ին, Երևան քաղաքի Ազատության հրապարակում կազմակերպում է հանրահավաք, որի մասին օրենսդրությամբ նախատեսված կարգով իրազեկվել է Երևանի քաղաքապետը և նրա կողմից ընդունվել է ի գիտություն:

Հավաքի նպատակն է քննարկել ու բարձրաձայնել Արցախի ժողովրդի լայն շրջանակների առաջարկներն ու պահանջները ՀՀ կառավարության կողմից քննարկվող՝ Արցախի ժողովրդի բնակարանային կարիքների ապահովման, բնակվարձի համար աջակցության ծրագրերի նախագծերի և այլ առնչվող  ծրագրերի  վերաբերյալ: Հանրահավաքում քննարկվելու են հարցեր նաև Արցախի ժողովրդի հավաքական իրավունքների ու շահերի, ինչպես նաև դրանց պաշտպանության մեխանիզմների հետ կապված:

Բոլոր մտահոգ անձանց հրավիրում ենք մասնակցելու այդ հանրահավաքին և համատեղ լուծում տալու արցախահայության ընթացիկ հիմնախնդիրներին և քննարկելու ռազմավարական անելիքները:

Արցախի ժողովրդի կարիքների ապահովման նախաձեռնությունը բաղկացած է արցախյան շուրջ 40 կազմակերպություններից: Հորդորում ենք հետևել Նախաձեռնության ֆեյսբուքյան էջին հետևյալ հղմամբ՝

Ինչպես նաև միանալ մարտի 6-ից մեկնարկած ստորագրահավաքին՝
https://actionnetwork.org/petitions/e8f9eb4d1df87eb398423a7af6707d59dff8699e?source=direct–link&fbclid=IwAR0uos5CIKwnRQpgULAZOXkKdnJ3Azj4kx5XcQPYdZd–4kedlsnqKBPL1Ig