ՀՀ ԳԱԱ Էկոլոգանոոսֆերային հետազոտությունների կենտրոն (Էկոկենտրոն) ՊՈԱԿ-ը հայտարարում է մրցույթ՝ հետևյալ թափուր պաշտոնների համար․
- Աշխարհագրական տեղեկատվական համակարգերի (ԱՏՀ) և հեռազննման բաժնի ղեկավար,
- Կենսաէներգետիկայի և կերի որակի բաժնի ղեկավար,
- Ռադիոէկոլոգիայի բաժնի ղեկավար,
- Սննդային շղթաների ռիսկի գնահատման տեղեկատվական և վերլուծական կենտրոնի ղեկավար
Համաձայն «Գիտական կադրերի ատեստավորման կարգը, գիտական պետական
կազմակերպություններում գիտական և ճարտարագիտատեխնիկական պաշտոնները և դրանց գնահատման նվազագույն չափանիշները հաստատելու մասին» Հայաստանի Հանրապետության կառավարության 21 դեկտեմբերի 2023 թվականի N2298-Ն որոշման՝ մրցույթին կարող է մասնակցել Հայաստանի Հանրապետության այն քաղաքացին, ով՝
- ունի կազմակերպությունում իրականացվող գիտական հետազոտությունների բնագավառին համապատասխան կամ հարակից բնագավառներում գիտական աստիճան,
- ունի գիտական, գիտատեխնիկական կամ գիտակրթական առնվազն յոթ տարվա աշխատանքային ստաժ,
- վերջին հինգ տարիների ընթացքում (չհաշված զինվորական ծառայության կամ մինչև երեք տարեկան երեխայի խնամքի արձակուրդում գտնվելու ժամանակահատվածները) բնական գիտությունների մասնագիտություններով համահեղինակել է վեց հրապարակում ՄԳՇ-ում,
- վերջին հինգ տարիների ընթացքում (չհաշված զինվորական ծառայության կամ մինչև երեք տարեկան երեխայի խնամքի արձակուրդում գտնվելու ժամանակահատվածները) բնական գիտությունների մասնագիտություններով ՄԳՇ-ում ընդգրկված հրապարակումներից առնվազն երեքում հանդես է գալիս որպես առաջին, վերջին կամ գրագրություն պահպանող հեղինակ:
Ընտրության կարգը՝ համաձայն Էկոկենտրոնի կանոնադրության․
- Գիտահետազոտական ստորաբաժանումների ղեկավարներն ընտրվում են Էկոկենտրոնի գիտական խորհրդի կողմից` հինգ տարի ժամկետով:
- Էկոկենտրոնի գիտահետազոտական ստորաբաժանումների ղեկավարների թեկնածուների առաջադրման համար փաստաթղթերը ներկայացվում են Էկոկենտրոնի գիտական քարտուղարին: Գրանցվում են այն թեկնածուները, ովքեր գրավոր համաձայնություն են տալիս ընտրություններին մասնակցելու մասին:
- Գիտահետազոտական համապատասխան ստորաբաժանման գիտական անձնակազմն իր ժողովում քննարկում է բոլոր գրանցված թեկնածությունները և փակ գաղտնի քվեարկությամբ, գիտական անձնակազմի անդամների առնվազն երկու երրորդի մասնակցությամբ, կարծիք է հայտնում յուրաքանչյուր թեկնածության վերաբերյալ: Քննարկման և քվեարկության արդյունքների մասին արձանագրությունը ներկայացվում է Էկոկենտրոնի գիտական խորհուրդ:
- Էկոկենտրոնի գիտահետազոտական ստորաբաժանման ղեկավարի պաշտոնում ընտրվելու մասին որոշումն ընդունվում է գիտական խորհրդի կողմից` փակ գաղտնի քվեարկությամբ, մասնակիցների ձայների պարզ մեծամասնությամբ:
- Եթե քվեարկության 1-ին փուլում ընտրությունը չի կայանում, անցկացվում է քվեարկության 2-րդ փուլ: Եթե քվեարկության 2-րդ փուլի ընթացքում նույնպես ընտրությունը չի կայանում, ապա Էկոկենտրոնի տնօրենը ընդունում է որոշում գիտահետազոտական ստորաբաժանման ղեկավարի պաշտոնակատարի նշանակման (2 տարի ժամկետով) մասին, և անցկացվում է նոր ընտրություն:
- Ակադեմիայի անդամներին գիտահետազոտական ստորաբաժանումների ղեկավարների պաշտոններում նշանակում է կազմակերպության տնօրենը` 5 տարի ժամկետով, առանց մրցույթի և ընտրությունների:
Մրցույթին մասնակցելու համար անհրաժետ է ներկայացնել հետևյալ փաստաթղթերը
ա) դիմում՝ ուղղված Էկոկենտրոնի տնօրենին,
բ) անձնագրի և սոցիալական քարտի կամ նույնականացման քարտի պատճենները,
գ) երկու լուսանկար, 3×4 չափի,
դ) կադրերի հաշվառման անձնական թերթիկ, լրացված,
ե) ինքնակենսագրություն
զ) բարձրագույն կրթության դիպլոմի պատճենը,
է) գիտական աստիճանը և գիտական կոչումը (առկայության դեպքում) հաստատող փաստաթղթերի պատճեները,
ը) հրատարակված գիտական աշխատությունների ցանկը
թ) բնութագիր վերջին աշխատավայրից (եթե տվյալ անձը ներկայումս Էկոկենտրոնի աշխատակից չէ),
ժ) տեղեկանք մշտական բնակության վայրից
Մրցույթին մասնակցելու համար պահանջվող փաստաթղթերն անհրաժեշտ է ներկայացնել ՀՀ ԳԱԱ Էկոլոգանոոսֆերային հետազոտությունների կենտրոնի գիտական քարտուղարին` Քրիստինա Սարգսյանին, սույն հայտարարության հրապարակման օրվանից սկսած մեկ ամսվա ընթացքում՝ աշխատանքային օրերին, ժամը՝ 9։00-ից 18։00։
Հասցեն ք․Երևան, Աբովյան 68, հեռախոս՝ 010 572-924, բջջային՝ 033 28-27-29։
