Կադիրով. «Արեւմուտքը ՌԴ-ում ազգերին իրար դեմ է հանում, պատասխան կստանա»

Վոլգոգրադում մզկիթի առջեւ Ղուրանը հրդեհելը մայիսի 23-ին հազարավոր չեչենների բողոքի ալիք է գումարել Գրոզնիում: Երեկ լուրը հրապարակած «Ֆրանկֆուրտեր ռունդշաուն» հղում է անում Moscow Times-ին, ՏԱՍՍ-ին: Չեչնիայի ղեկավար Կադիրովն իր թելեգրամյան ալիքում գրել է՝ «Ուկրաինական հատուկ ծառայությունների կազմակերպած սկանդալային արարքը մեզ զայրացրել է: Շուրջ 60 000 հոգի հավաքվել են բողոքելու»: Ոստիկանները Վոլգոգրադում ձերբակալել են 19 -ամյա Նիկիտա Ժուրավելին, որն, ըստ մամուլի, խոստովանել է, թե հրո ճարակ է դարձրել Ղուրանը՝ Կիեւի անվտանգության աշխատակիցների իրեն տված մոտ 125 ԱՄՆ դոլարի դիմաց: Ցայժմ չի հստակեցվել՝ խոստովանությունը համապատասխանո՞ւմ է իրականությանը: Ըստ լուրերի, տղային հանձնել են չեչեններին, ինչը փորձում էին կանխել կասկածյալի փաստաբանները՝ զգուշացնելով, որ նրան կարող է մահ սպառնալ:

ԱՆԱՀԻՏ ՀՈՎՍԵՓՅԱՆ, Գերմանիա